Don’t Be Shy! Even if they are looking at you. 
ខែ ឧសភា 29, 2009
ខែ មេសា 22, 2009
ខែ មីនា 23, 2009
លួចនាទី
លួចនាទី
សមជាបុគ្គលិកក្រុមហ៊ុនមួយ ហើយគាត់ជាបុគ្គលិកផ្នែកឃ្លាំ ដោយមានតួនាទីជាអ្នកកត់ត្រារាល់ម៉ោងចេញចូលរបស់ទំនិញនិមួយៗ។ ទំលាប់នៃការកត់ត្រារបស់គាត់ គឺតែងតែសរសេរនូវម៉ោងដែលគត់ៗ ដូចជា “ ១៥នាទី ៣០នាទី ឬ ៤០នាទី ជាដើម…” ។
ថ្ងៃមួយ ដោយមានការងារច្រើននិងអស់កម្លាំងទៀតផងនោះ នៅដែលពេលគាត់បានទទួលទំនិញរបស់អតិថិជនចប់នៅម៉ោង 11:58នាទី តែគាត់បែបជាសរសេរ 11:60នាទីវិញ? ៕
**** នេះគឺជារឿងពិតមួយ ****
ខែ កុម្ភៈ 16, 2009
Skype ថ្មីអាចសរសេរជាភាសាខ្មែរបាន
សួស្ដីបាទ!
Skype version 4.0.0.206
លោកអ្នកអាចជជែកកំសាន្តជាភាសាខ្មែរដោយប្រើប្រាស់ Version ថ្មីរបស់ Skype នេះបានដោយគ្រាន់តែ Download or Update your current Skype to the latest version 4.0.0.206 ជាការស្រាច់។
ខែ ធ្នូ 16, 2008
រឿងកម្លែងមួយ
សប្តាហ៍មុនខ្ញុំបានអានរឿងកម្លែងមួយដែលបានផ្សាយជាយូរមកហើយតាមរយៈកាសែតមួយ ។ អានចប់ខ្ញុំផ្ទុះសំណើចយ៉ាងខ្លាំង ស្ទើរតែចុកពោះតែម្នាក់ឯង ។ ដោយគិតថារឿងនេះគួរអោយអស់សំណើច ទើបលើកយករឿងនេះមកដាក់ក្នុង ចែករំលែក ។ រឿងនេះមានអត្តន័យដូចតទៅ៖
ហោះពេលយប់
នារី៣នាក់ធ្វើការនៅអង្គការណាសា និយាយគ្នាពីបំណងចង់ទៅលេងភពផ្សេង ។
នារីទីមួយផ្តើមឡើង ៖
- ខ្ញុំចង់ទៅលេងភពអង្គារ ដើម្បីឱ្យក្លាយជាមនុស្សទីមួយធ្វើទស្សនកិច្ចភពព្រះអង្គារ ។
នារីទីពីរដែលចូលចិត្តភាពត្រជាក់និយាយម្តង៖
- ភពអង្គារនៅឆ្ងាយណាស់ ខ្ញុំមិនចង់ទៅទេ ។ យើងគួរនាំគ្នាទៅលេងភពព្រះចន្ទវិញ ទីនោះជិតផែនដីផងមានអាកាសធាតុត្រជាក់ស្រួលផង ។
នារីទីបីរាដៃបដិសេធ៖
- កុំទៅកន្លែងទាំងនោះអី អត់សប្បាយទេ ទៅលេងភពព្រះអាទិត្យឡួយជាង ។
នារីទីមួយនិងទីពីរស្រែកព្រមគ្នា៖
- ទៅភពព្រះអាទិត្យម៉េចនឹងកើត មិនទាន់ទៅដល់ផងឆេះក្លាយជាផេះបាត់ទៅហើយ ។
នារីទីបីស្រែក៖
- ល្ងង់ទៅពេលថ្ងៃធ្វើអី ? យើងបើកយានអវកាសទៅពេលយប់ត្រជាក់ល្ហឹម ឆេះម៉េចកើត?
ខែ សីហា 21, 2008
អង្គរវត្តឆ្នាំ 1931
តើអ្នកធ្លាប់ឃើញកំពូលទាំង៥ដែលពេញលក្ខណៈរបស់ប្រាសាទអង្គរវត្តទេ?
ហេ៎! នៅទីនេះលោកអ្នកអាចមើលបានដោយសេរី….
រូបទាំងនេះខ្ញុំបានប្រទះឃើញដោយ ចៃដន្យនៅក្នុង website បារាំងសេស៍មួយ កាលពីខែមុន។ ពេលឃើញរូបនេះភ្លាម ខ្ញុំមានអារម្មណ៏ស៊ឹងតែមិនចង់ជឿភ្នែកខ្លួនឯងថា នេះជាប្រាសាទអង្គរវត្តមែនទេ?… ទាល់តែមើលយូរៗទៅទើបដឹងថាជារូបថតអង្គរវត្តដែលបានថតកាលពីសម័យបារាំងសេស៍ ឆ្នាំ១៩៣១។
បើតាមខ្ញុំដឹង website នេះ បង្កើតឡើងដោយជនជាតិបារាំងនិងប្រពន្ធរបស់គាត់ជាជនជាតិខ្មែរ។ website នេះគាត់ចង់បង្ហាញអំពីក្បាច់គុនប្រដាលរបស់ខ្មែរ (គុនល្បុក្កតោ) នាពេលបច្ចុប្បន្ន។
ហ៊ឺ! គួរឲ្យសោកស្តាយណាស់ ដោយសារតែសង្គ្រាម កុំអីអង្គរវត្តឥឡូវមិនដឹងស្អាត់យ៉ាងណា…
ខែ សីហា 20, 2008
អត្ថបទមួយ
« សមុទ្រ និង ភ្នំ ខ្ញុំចង់ទៅលេង ។ ផ្ទះជាកន្លែងដែលខ្ញុំត្រូវតែទៅ ។ សាលា និង ការងារ ខ្ញុំគួរតែឆ្ពោះទៅ ។ ប៉ុន្តែមានតែកន្លែងមួយ និងមនុស្សម្នាក់ដែលខ្ញុំមិនហានប្រឈមមុខ វានឹងមករកខ្ញុំនៅថ្ងៃមួយ ហើយវានឹងផ្លាស់ប្តូរជិវិតរបស់ខ្ញុំ…៕ »
ខ្ញុំដឹងថា មានមិត្តខ្លះធ្លាប់បានដឹង និងបានអានហើយ អំពីអត្ថបទរបស់នារីម្នាក់ ដែលខ្ញុំបានផ្សាយនៅក្នុងប្លករបស់ខ្ញុំមួយផ្សេងទៀតរួចហើយ។ តែប្លកនោះខ្ញុំបានលុបចោលបាតហើយ។
=> ពាក្យនេះខ្ញុំបានឃើញដោយចៃដន្យដែលផ្សាយនៅក្នុង i-friend របស់ www.everyday.com.kh
ស៊យមែន! ដាច់ភ្លើង
ម្សិលមិញជាថ្ងៃចូលរៀនដំបូងរបស់ខ្ញុំនៅសកលវិទ្យាល័យ BBU ក្នុងឆ្នាំទី១ ឆមាសទី២ នៃមហាវិទ្យាល័យអក្សរសាស្ត្រអងគ្លេស។ ម៉ោងទី១ជាម៉ោងទស្សនៈវិជ្ជា ប៉ះចំអ្នកគ្រូចាស់ គាត់ធ្លាប់បង្រៀនខ្ញុំកាលនៅវិទ្យាល័យ ថ្នាក់ទី១០ ឬ ទី១១។ អ្នកគ្រូគាត់មានឈ្មោះ Tieng Sengleang ( មិនដឹងឈ្មោះខ្មែរគាត់សរសេរយ៉ាងម៉េចទេ តែចាំមុខគាត់ )។ កំពុងរៀនទើបបានជិតម៉ាម៉ោងស្រាប់តែដាច់ភ្លើងអគ្គសនីឮសូរភឹង៎ ខានរៀនប៉ាដោយ តែបានសួរសុខទុក្ខគាត់ខ្លះដែរ។ គិតៗទៅខ្ញុំខានជួបគាត់ប្រហែល៨ឆ្នាំហើយ ហើយគាត់ប្រហែលជាភ្លេចខ្ញុំហើយដែរ គាត់ឥឡូវដូចជារៀងចាស់បន្តិចជាមុន៕
មិនយល់គឺគ្រោះថ្នាក់
អ្នកឯកទេសក្រុមហ៊ុនទឹកក្រូចមួយត្រូវបានបញ្ជូនមកពីប្រទេសចិន ដើម្បីឃោសនាឲ្យផលិតផលទឹកក្រូចរបស់ក្រុមហ៊ុន។ ប៉ុន្តែដោយមិនចេះភាសាចិន អ្នកឯកទេសនោះ ប្រើរូបភាព៣ជំនួសឲ្យការសរសេរជាអក្សរ។ រូបភាពទីមួយនៅខាងឆ្វេងដៃគូរពីបុរសម្នាក់ ដើរអូសជើងកណ្តាលសមុទ្រខ្សាច់ក្តៅស្ទើរស្លាប់ មើលទៅលែងសល់កម្លាំងកំហែងក្នុងខ្លួននិងកំពុងស្រេកទឹកយ៉ាងខ្លាំង។ រូបភាពទីពីរ គូរបុរសនោះផឹកទឹកក្រូចរបស់ក្រុមហ៊ុនខាងលើ។ ចំណែករូបភាពទីបីនៅខាងស្តាំបង្អស់គូររូបបុរសនោះសើចក្អាកក្អាយ សប្បាយចិត្ត និងមានកំលាំងកំហែងឡើងវិញ។ ន័យរបស់រូបភាពទាំងបីបង្ហាញថាទោះកំពុងអស់កម្លាំងហេវហត់យ៉ាងណាក៏ដោយ អោយតែបានផឹក ទឹកក្រូចរបស់ក្រុមហ៊ុនខាងលើមានកម្លាំងប្រឺសឡើងវិញភ្លាម។
ទោះជាយ៉ាងណាមួយឆ្នាំក្រោយ មិនត្រឹមតែមិនអាចបង្កើនការលក់ផលិតផលទឹកក្រូចរបស់ក្រុមហ៊ុនខាងលើប៉ុណ្ណោះទេ គឺលក់លែងដាច់សោះតែម្តង រហូតដល់អ្នកឯកទេសរូបនោះ ត្រូវក្រុមហ៊ុនបណ្តេញចេញពីការងារដោយសារតែធ្វើឲ្យក្រុមហ៊ុនខាតបង់ច្រើនពេក។ មានមនុស្សមួយចំនួននឹកឆ្ងល់ ព្រោះបើពិនិត្យរូបភាពឃោសនាសមតែទឹកក្រូចលក់ដាច់ណាស់ ចុះហេតុម៉េចក្ស័យធន?
ឮដូច្នេះអ្នកឯកទេសដែលត្រូវបណ្តេញពីការងារ និយាយយ៉ាងស្រងូតស្រងាត់ថា៖
-មកពីខ្ញុំមិនយល់អ្វីសោះ។ ខ្ញុំមិនត្រឹមតែមិនចេះភាសាចិនប៉ុណ្ណោះទេ ថែមទាំងមិនបានដឹងថា អក្សរចិនអានពីស្តាំទៅឆ្វេងទៀតផង ហេតុនេះរូបភាពឃោសនារបស់ខ្ញុំក៏គេមើលពីស្តាំដេញទៅឆ្វេងដែរ គេមើលទៅអ្នកកំពុងសប្បាយមានកម្លាំងកំហែង ពេលផឹកទឹកក្រូចរបស់ក្រុមហ៊ុនខាងលើ នឹងក្លាយជាអ្នកបាក់កម្លាំងរហូតដល់ដើរអូសជើងព្រោះហេវហត់ពេកលើកជើងលែងរូច។
***ដកស្រងទាំងស្រងពី khmeronline.info***
